Մասկի ֆանտաստիկ ծրագիրը

Ամերիկյան «Tesla» և «SpaceX» ընկերությունների հիմնադիր Իլոն Մասկի կարողությունն առաջին անգամ գերազանցել է 200 միլիարդ դոլարը, գրում է Bloomberg գործակալությունը՝ հիմք ընդունելով Boomberg Billionaires Index-ի տվյալները:

Հունվարի 10-ի դրությամբ Մասկի կարողությունն աճել է մոտ 14.5 միլիարդ դոլարով՝ հասնելով 209 միլիարդի:

Ի դեպ, աշխարհի ամենահարուստ մարդը ֆանտաստիկ ծրագիր ունի։ Նա օրերս հայտարարել է, որ պատրաստ է իր ունեցվածքի մի մասը վաճառել՝ Մարսի նվաճման ու բնակեցման ծրագիրն իրականցնելու համար։