Site icon politcom

Նիկոլի թվի ամբարտավանությունը

Հիշո՞ւմ եք՝ հեղափոխությունից հետո Լևոն Տեր-Պետրոսյանը հանդիպում էր խնդրել Նիկոլ Փաշինյանից, որպեսզի վերջինիս կարևոր մանրամասներ փոխանցեր ԼՂ խնդրի կարգավորման գործընթացի մասին։ Ավելի ուշ, Փաշինյանն ամբարտավան կեցվածքով պատմում էր, որ Առաջին նախագահից արժեքավոր ոչինչ չի լսել։
Մի առիթով էլ Փաշինյանը «գլուխ գովեց», թե երկրի նախկին նախագահներին տեսակցելու անհրաժեշտություն չունի, որովհետև կարգավորման գործընթացի մասին մանրամասներ ստանում է Ալիևից։
Այսպիսի բախտախնդիր ու արկածախնդիր մարդու ձեռքում է հայտնվել իշխանությունը և պատահական չէ, որ նրա ձախողված դիվանագիտությունը նպաստեց պատերազմի սանձազերծմանը ու խայտառակ պարտությանը, որը ոչ միայն մարդկային ու տարածքային մեծ կորուստների, այլ նաև՝ Հայաստանի ինքնիշխանության ու սուբեկտության ոչնչացման պատճառ դարձավ։
Մերօրյա «Քաջ Նազարից» հետ չեն մնացել նաև նրա նույնքան ամբարտավան ու մեծամիտ ենթակաները։

ԽՍՀՄ և ՌԴ զինված ուժերի գեներալ-լեյտենանտ, 1992-1995 թթ. ՀՀ ՊՆ գլխավոր շտաբի պետ, 1993 թ. պաշտպանության նախարարի պաշտոնակատար Նորատ Տեր-Գրիգորյանցը այսօր հարցազրույց է տվել ,«Փաստինֆո»-ին ու պատմել է, որ այս պատերազմից առաջ, մոտալուտ վտանգը զգալով, փորձել է հանդիպել Հայաստանի ՊՆ նախարար Դավիթ Տոնոյանին։

Անօգուտ, նախարարը ժամանակ չի գտել կամ էլ՝ ժամանակ ունեցել է, բայց Փաշինյանի ցուցումով չի ուզեցել հանդիպել փառապանծ գեներալին։ «Ամենագետ» վարչապետը կարծում էր, որ իրենք «նախկիններից» սովորելու ոչինչ չունեն և ամբարտավանությունը, մանիպուլյացիան, ցինիզմը, դիլետանտիզմը դարձրել էր պետական քաղաքականություն։

Այդ ամենի դառը պտուղները ճաշակեցինք բոլորս՝ պատերազմի ժամանակ բախվելով պետական համակարգի չգոյության տխուր փաստին։

«Չեն ցանկացել, երևի վախեցել են, որ կարող եմ թույլ չտալ ինչ-որ սխալ պլաններ իրագործել»,- կայքին ասել է Տեր-Գրիգորյանցը՝ մեկնաբանելով իր ու Տոնոյանի չկայացած հանդիպման փաստը։

Հայրենիքին անսահման նվիրված ու պարտության դառնության հետ չհաշտվող Տեր-Գրիգորյանցի ակնարկը թափանցիկ է։

Պատերազմի ու խայտառակ պարտության հետ կապված բոլոր հանգամանքերը պատշաճ քաղաքական և իրավական քննության պետք է ենթարկվեն։ Միայն դիլետանտիզմը չէր կարող նման ավերի պատճառ դառնալ, եղել են այլ հանգամանքներ ևս, որոնք աղերս ունեն Քրեական օրենսգրքի հետ։

Բաժանորդագրվեք մեզ Youtube-ում

Exit mobile version