Տնտեսությունը գահավիժում է

2020 թվականին` 2019-ի հետ համեմատ, Հայաստանում տնտեսական ակտիվության ցուցանիշը անկում է ապրել 7,5 տոկոսով` նշված է Վիճակագրական կոմիտեի այսօրվա հրապարակման մեջ։
2019 թվականի հետ համեմատ` 2020-ին ծառայությունների ոլորտը (առանց առևտրի) անկում է ապրել 14,7 տոկոսով, ներքին առևտրի շրջանառությունը նվազել է 14 տոկոսով, շինարարության ծավալը կրճատվել է 9,5 տոկոսով, արդյունաբերական արտադրանքի ծավալը անկում է գրանցել 0,9 տոկոսով, աճ է գրանցել գյուղատնտեսության արտադրանքի ծավալը` 1,4 տոկոս։
2020-ին` 2019 թվականի համեմատ, Հայաստանից արտահանումը կրճատվել է 3,9 տոկոսով, իսկ ներմուծումը անկում է ապրել 17,7 տոկոսով։