Չտեսների իշխանություն

Որպես կանոն, մեր կայքը չի անդրադառնում պաշտոնյաների անձնական կյանքին, ընտանիքին՝ բարձր պահելով քաղաքական, վերլուծական խոսքի նշաձողը։

Սակայն վարչապետի տիկնոջ՝ Աննա Հակոբյանի անհասկանալի վոյաժներն այլևս դուրս են անձնական կյանքի տիրույթից ու բացահայտում են այսօրվա իշխանության քաղաքական, բարոյական սնանկությունը։

Դեռ չէին մարել Հակոբյանի մոսկովյան այցի շուրջ սկանդալին անդրադարձները, երբ նա այսօր լուսադեմին վայրէջք է կատարել արդեն Լոս-Անջելեսի օդանավակայանում Այսօր Աննա Հակոբյանի ծննդյան օրն է ու, հավանաբար, ճիշտ են այն պնդումները, որ նա մեկնել է օվկիանոսից այն կողմ՝ աչքից հեռու տարեդարձը նշելու նպատակով։

Ասել է, թե՝ այցը մասնավոր է, սակայն այս դեպքում լեգիտիմ հարց է առաջանում՝ ի՞նչ միջոցներով է արտերկիր մեկնում Աննա Հակոբյանը կամ մասնավոր այցի ընթացքում ինչո՞ւ են նրան ուղեկցում անվտանգության ծառայության առնվազն երկու աշխատակիցներ, որոնք ԱՄՆ հասել են հաստատ հարկատուներիս փողերով։

Սակայն խնդրի բարոյական կողմը շատ ավելի կարևոր է։

Արդյո՞ք իրեն նման շռայլություն իրավունք ունի թույլ տալ մի ընտանիք, որի գլուխը՝ երկրի վարչապետը, երկիրը հասցրել է նման աղետի՝ դառնալով մի ամբողջ ժողովրդի կապիտուլյացիայի, նվաստացման, ստորացման, թշվառության խորհրդանիշ։

Ինչո՞ւ հասարակության ուսերին կառավարական շենքեր ու ամառանոց տեղափոխված զույգը այսքան թքած ունի նույն այդ հասարակության կարծիքի, տրամադրությունների վրա։ Վահան Բադասյանի հայրենիքը թշնամուն հանձնած ու նրան «մշտական բնակության վայրի բացակայության» հիմքով կալանավորած իշխանական ընտանիքը «յուրացնում» է արտերկրի ճոխ ռեստորանները, հյուրանոցները։

Նիկոլն ու նրա ընտանիքն առաջինը խժռեցին հեղափոխության արժեքները ու թող չզարմանան, որ շուտով ժողովուրդը սրբելու է նրանց անփառունակ իշխանության հետքերը։

Բաժանորդագրվեք մեզ Youtube-ում Subscribe

նման նյութեր