Իրանը պատրաստվում է Եվրասիական տնտեսական միության (ԵԱՏՄ) մշտական անդամ դառնալ, հայտարարել է Իսլամական Հանրապետության Մեջլիսի (խորհրդարանի) խոսնակ Մոհամադ Բաղեր Ղալիբաֆը։
«Իրանը բանակցություններ է սկսել միության մշտական անդամ դառնալու ուղղությամբ, և մեր մշտական անդամակցության նախապատրաստական աշխատանքները կավարտվեն առաջիկա երկու շաբաթվա ընթացքում»,- չորեքշաբթի Մոսկվա կատարած եռօրյա այցից հետո Թեհրան ժամանելով՝ իրանական լրատվամիջոցներին ասել է պաշտոնյան։
2015 թվականից գործող տնտեսական միությունը, որի անդամը նաև Հայաստանն է, 5 երկիր է միավորում։ Միության անդամներն են նաև Բելառուսը, Ղազախստանը, Ղրղզստանը և Ռուսաստանը։ ԵԱՏՄ անդամ միակ երկիրը, որը ցամաքային սահման ունի Իրանի հետ, Հայաստանն է։
Բաժանորդագրվեք մեզ Youtube-ում
