Day: March 4, 2021

  Ադրբեջանական բանակի զինծառայողները զորավարժություններ կանցնեն Թուրքիայում: Այս մասին տեղեկացնում է minval.az կայքը` հղում տալով Թուրքիայի պաշտպանության նախարարությանը: «Մենք Ադրբեջանի հետ մեր համագործակցությունը շարունակում ենք «մեկ ազգ, երկու պետություն» սկզբունքով: Օդանավակայանում դիմավորել ենք ադրբեջանական բանակի զինծառայողներին, որոնք Իսպարտա են ժամանել զորավարժությունների համար. դրանք կտևեն 6 շաբաթ»,-ասվում է տեղեկատվության մեջ:

Ֆրանսիայի և Թուրքիայի նախագահները երեկ՝ առաջին անգամ վերջին կես տարվա ընթացքում, երկկողմ հանդիպում են անցկացրել՝ տեսակապի միջոցով։ Ըստ պաշտոնական Անկարայի, Ռեջեփ Էրդողանը ֆրանսիացի գործընկերոջն ասել է, թե երկկողմ հարաբերությունները զարգացման լուրջ ներուժ ունեն, և Թուրքիան պատրաստ է դրան։ Փարիզը, մինչդեռ, պնդել է, թե հայտարարություններից բացի անհրաժեշտ են կոնկրետ քայլեր: