Ռուսաստանի Դաշնության արտաքին գործերի նախարար Սերգեյ Լավրովը Վաշինգտոնի՝ Մոսկվայի հետ հարաբերություններում բռնած գիծը «հիմար» է որակել և հավելել, որ դա որևէ արդյունքի չի հանգեցնում:
«Նույնիսկ Վաշինգտոնի կողմնակից կառույցը, ինչպիսին է Ատլանտյան խորհուրդը, արդեն հրապարակում է նյութեր, որոնք քննադատում են Միացյալ Նահանգների՝ Ռուսաստանի նկատմամբ բացարձակ, և նույնիսկ «հիմար» փակուղին, որը որևէ արդյունքի չի հանգեցնում՝ պատժամիջոցների կիրառման ժամանակ հայտարարված նպատակների առումով»,- ասել է նախարարը:
Լավրովը նաև նշել է, որ ԱՄՆ-ն և նրա դաշնակիցները անվստահելի գործընկերներ են, և Մոսկվան չի կարող կախում ունենալ նրանց տրամադրություններից:
«Մենք պետք է հույսներս մեզ վրա դնենք, քանի որ ո՛չ ԱՄՆ-ն, ո՛չ էլ նրա դաշնակիցները հուսալի գործընկերներ չեն, և պետության կենսագործունեության կարևորագույն ոլորտներում մենք չենք կարող ապավինել նրանց տրամադրություններին և նրան, թե առավոտյան «որ ոտքի վրա են արթնացել»», – ասել է նա:
Բաժանորդագրվեք մեզ Youtube-ում
