Նախագահ Արմեն Սարգսյանը չի ստորագրել վիրավորանքի և զրպարտության համար տուգանքների չափերը բարձրացնող օրենքը և տվյալ հարցով դիմել է Սահմանադրական դատարան։
Նախագահականի հրապարակած հայտարարության համաձայն՝ Ազգային ժողովի կողմից մարտի 24-ին երկրորդ ընթերցմամբ և ամբողջությամբ ընդունված «Հայաստանի Հանրապետության քաղաքացիական օրենսգրքում փոփոխություններ կատարելու մասին» վիճահարույց օրենքը ՀՀ նախագահի աշխատակազմն ստացել է մարտի 26-ին:
Օրենքն առերևույթ խնդրահարույց է սահմանադրականության տեսանկյունից:
Հաշվի առնելով վերոգրյալը՝ Հանրապետության նախագահը չի ստորագրել Ազգային ժողովի ընդունած օրենքը և դիմել է Սահմանադրական դատարան՝ Օրենքի՝ Սահմանադրությանը համապատասխանությունը որոշելու հարցով:
Բաժանորդագրվեք մեզ Youtube-ում
