Ադրբեջանի պաշտպանության նախարարությունը հրապարակել է Լեռնային Ղարաբաղում պատերազմի ժամանակ մահացած ադրբեջանցի զինծառայողների թիվը: Գերատեսչության տվյալներով՝ նրանց թիվը հասել է 2895-ի:
«Ներկայացնում ենք Ադրբեջանի Հանրապետության Զինված ուժերի 2895 զինծառայողի լուսանկարները, անունները, ազգանունները, նրանց զինվորական կոչումների և ծննդյան ամսաթվի մասին տեղեկությունները»,- ասվում է ռազմական գերատեսչության հաղորդագրության մեջ:
Նշվում է, որ խոսքը մինչև մայիսի 8-ը հուղարկավորված զինվորականների մասին է, ևս 19-ն անհետ կորած են համարվում:
Նկատենք, որ ադրբեջանական անկախ աղբյուրները նշում են այլ թվեր՝ կասկածի տակ դնելով պաշտոնական տվյալները։
Բաժանորդագրվեք մեզ Youtube-ում
