Սկզբունքայնության թեստ՝ ընդդիմության համար

Սկզբունքայնության թեստ՝ ընդդիմության համար

«Դեմոկրատական այլընտրանք» կուսակցության նախագահ Սուրեն Սուրենյանցն իր ֆեյսբուքյան էջում գրել է․

«Հայաստան» և «Պատիվ ունեմ» դաշինքներում միավորված ուժերն ու գործիչները երդվում էին, որ ընտրությունների չեն մասնակցի, քանի վարչապետ է Նիկոլ Փաշինյանը։
Հետո, իհարկե, նրանք ոչ միայն ընտրությունների մասնակցեցին, այլ նաև մանդատներ վերցրեցին ու հիմա էլ մեծ սիրով պատրաստվում են խորհրդարանական պաշտոնների բաշխման գործընթացին։
Նման «սկզբունքայնության» պարագայում իշխանությունը որոշել է «ցեց» գցել ընդդիմության ճամբարում՝ Ալեն Սիմոնյանի շուրթերով հրապարակ նետելով այն թեզը, թե ԱԺ երրորդ փոխնախագահի պաշտոնում իրենք ցանկանում են տեսնել ոչ թե «Հայաստան», այլ «Պատիվ ունեմ» դաշինքի ներկայացուցչին։
Հիմա այս երկու դաշինքները բացառիկ շանս ունեն՝ ապացուցելու, որ իրենք ոչ թե մանդատի ու պաշտոնի, այլ՝ սկզբունքի համար են։ Դրա համար ընդամենը պետք է, որպեսզի այս երկու խմբակցությունները ընդհանուր հայտարարի գան ԱԺ երրորդ փոխնախագահի թեկնածության հարցում։
Մի խոսքով՝ առաջիկա օրերը սկզբունքայնության թեստ են ընդդիմության համար։

նման նյութեր