Site icon politcom

«Դեմոկրատական այլընտրանք» կուսակցության 2-րդ(արտահերթ) համագումարի հայտարարությունը ՏԻՄ ընտրությունների վերաբերյալ

«Դեմոկրատական այլընտրանք» կուսակցությունը դիտարկում է իր համամասնական ցուցակի մասնակցության հնարավորությունը 2021թ-ի դեկտեմբերի 5-ին Կոտայքի մարզի Նոր Հաճն խոշորացված համայնքի ավագանու ընտրություններին՝ նպատակ ունենալով լայն ընդդիմադիր համախմբում ապահովել կուսակցության ղեկավար Սուրեն Սուրենյանցի՝ Նոր Հաճն խոշորացված համայնքի ղեկավարի թեկնածության առաջադրման հարցում։ Միևնույն ժամանակ, «Դեմոկրատական այլընտրանք» կուսակցությունը ՏԻՄ ընտրություններում աջակցում է գործընկեր ընդդիմադիր կուսակցությունների թեկնածուներին՝ քաղաքական փոխըմբռնման կամ համերաշխության սկզբունքից ելնելով։ Կոչ ենք անում մեր համակիրներին Դիլիջան համայնքում հոկտեմբերի 17-ին նշանակված ընտրություններում քվեարկել «Հայրենիք» կուսակցության համամասնական ցուցակի օգտին, որն առաջնորդում է պահեստազորի փոխգնդապետ Արմեն Օրդինյանը։ Նույն օրը Գորիս համայնքի ընտրություններում մեր համակիրներին կոչ ենք անում աջակցել «Առուշ Առուշանյան» դաշինքի համամասնական ցուցակին։

Բաժանորդագրվեք մեզ Youtube-ում

Exit mobile version