Ադրբեջանն օգտակար է համարում քննարկել Հայաստանի հետ հարաբերությունների կարգավորման հարցը և չի բացառում երկու երկրների արտգործնախարարների հանդիպումը: Այս մասին այսօր լրագրողներին ասել է Ադրբեջանի արտգործնախարարության մամուլի ծառայության ղեկավար Լեյլա Աբդուլաևան: «Օգտակար ենք համարում հետպատերազմական ժամանակաշրջանում Հայաստանի և Ադրբեջանի հարաբերությունների կարգավորման հարցերի քննարկումը: Որոշ ժամանակ առաջ Նյու Յորքում տեղի ունեցավ երկու երկրների արտաքին գործերի նախարարների հանդիպում: Մենք չենք բացառում հանդիպում ապագայում», – հայտարարել է Աբդուլաևան:
Բաժանորդագրվեք մեզ Youtube-ում
