Yerevanlur-ի հարցազրույցը Սուրեն Սուրենյանցի հետ

Yerevanlur interview with Suren Surenyants

Նման դեպքերում պետք է գործ ունենալ կոնկրետ փաստերի հետ, եթե գրառման հեղինակը վարչապետն է. Սուրեն Սուրենյանց

«Տպավորություն է, որ Փաշինյանը փորձում է տարբեր հնարքներ օգտագործել՝ պատասխանատվության իր չափը մեղմելու նպատակով։ Այս գրառումն այդ շարքից է։, պետք է ոչ թե լրագրողի, ընդդիմադիր գործչի պես հռետորական հարցադրումներ կատարել, այլ եթե կան փաստեր՝ պատերազմից մեկ տարի անց դարձնել իրավապահների քննության նյութ»,- Yerevanlur-ի հետ զրույցում հայտարարեց «Դեմոկրատական այլընտրանք» կուսակցության քաղաքական խորհրդի նախագահ, քաղաքագետ Սուրեն Սուրենյանցը՝ անդրադառնալով վարչապետ Նիկոլ Փաշինյանի գրառմանը։

Քաղաքագետի խոսքով՝ ո՛չ քննություն է բացահայտել Փաշինյանի նշած «հիբրիդային պատերազմի» ենթադրյալ սուբյեկտների փոխկապակցվածությունը, ո՛չ քննիչ հանձնաժողով է ստեղծվել, որը կտար մի շարք հարցերի պատասխաններ։

«Այդ գրառման մեջ Փաշինյանն արձանագրում է արել պետական ինստիտուտների չկայացվածության մասին։ Առնվազն աբսուրդ է, որ միահեծան իշխանության չորրորդ տարին թևակոխած մարդը խոսում է այդ մասին։ Եթե չորս տարի շարունակ նա չի կարողացել պետական կայացած համակարգ ստեղծել՝ ունենալով գրեթե միանձնյա, անվերահսկելի իշխանություն, ապա նման դեպքերում ոչ թե գրառում են կատարում, այլ հրաժարականի դիմում են գրում»,- նշեց քաղաքագետը։

Նրա դիտարկմամբ՝ եթե դեռ 2018 թվականից Փաշինյանը, ըստ իր գրառման տրամաբանության, հասկացել էր, թե ինչ դավեր են հյուսվում իր իշխանության շուրջ կամ Հայաստանի ու Արցախի շուրջ, ապա ինչու՞ պետական համակարգի՝ իր ունեցած բարձր վարկանիշի, հանրային աննախադեպ աջակցության պայմաններում չեն չեզոքացրել վտանգները․ «Այս ամենը հիմք է տալիս ենթադրելու, որ մենք կամ գործ ունենք դիլետանտ իշխանության հետ, որը նկատել, բայց չի չեզոքացրել վտանգները, կամ Փաշինյանը հանդես է գալիս մտացածին հայտարարություններով՝ պատասխանատվության իր չափը մեղմելու նպատակով»։

նման նյութեր