Այսօր «Դեմոկրատական այլընտրանք» կուսակցության կենտրոնական գրասենյակում Քաղաքական խորհրդի նախագահ Սուրեն Սուրենյանցը, Քաղաքական խորհրդի անդամներ Արմեն Գևորգյանն ու Սարգիս Լևոնյանը, քաղաքական կոնսուլտացիաների շրջանակում, հյուրընկալեցին «Արդարություն» կուսակցության նախագահ Արթուր Բալոյանին:
Քննարկման առարկա դարձավ «Դեմոկրատական այլընտրանք» կուսակցության 2023թ-ի հունվարի 26-ի հայտարարությունը:
Երկուստեք կարևորվեց այնպիսի ինստիտուտների և օրակարգի ձևավորումը, որը կհանգեցնի՝ ա) արտահերթ ընտրությունների անցկացմանը՝ ներկա իշխանությանը հեռացնելու, հին համակարգի վերարտադրությունը բացառելու նպատակով, բ) մրցակցային ընտրությունների անցկացման համար նախադրյալների ստեղծումը, գ) սահմանադրական փոփոխությունների հայեցակարգի շուրջ կոնսենսուսի կայացումը:
«Դեմոկրատական այլընտրանք» կուսակցության նախաձեռնած քաղաքական խորհրդակցությունները շարունակվում են:
Բաժանորդագրվեք մեզ Youtube-ում
