«Հիմա ասենք Ալիևը պահանջում է՝ «Զանգեզուրի միջանցքը տաք, նոր բացեմ», հիմա «Զանգեզուրի միջանցք» սարքենք տանք իրանց, լավ ա, թե՞ Ռուբեն Վարդանյանին ասենք, Ռուբեն ջան, գնա որտեղից եկել ես: Իհարկե, եթե ամբողջ խնդիրը կապված է Ռուբենի այնտեղ չլինելուն, իհարկե, Ղարաբաղի իշխանությունները պետք է Ռուբենին ասեն, դու արի էս պաշտոնից դուրս արի»:
Ոչ ավել, ոչ պակաս. ՔՊ «ինտելեկտուալ» պատգամավոր Գագիկ Մելքոնյանն այսպես էր մեկնաբանում Ռուբեն Վարդանյանի պաշտոնանկության անհրաժեշտությունը:
Ռուբեն Վարդանյանը երեկ ազատվեց պետնախարարի պաշտոնից։ Ըստ ՔՊ-ական պատգամավորի «ինքնատիպ» տրամաբանության` Ադրբեջանն այլեւս մեզանից միջանցք չի ուզելու:
Իհարկե, շատերը կասեն՝ անգրագետ «մաուզերիստ» է՝ խոսել է, նոր մտածել: Բայց ես կարծում եմ՝ էպատաժային այս պատգամավորի բոլոր տեքստերը թելադրվում են Նիկոլ Փաշինյանի ու նրա աշխատակազմի կողմից, որոնց նպատակը՝ համապատասխան հանրային ֆոն ստեղծելն է:
Իշխանության պրոպագանդան արդեն մի քանի շաբաթ է՝ տարածում է «Արցախը տանք, որ Սյունիքը փրկենք» վտանգավոր նարատիվը: Հենց այս տրամաբանության մեջ է Գագիկ Մելքոնյանի խոսքը:
Իհարկե, Ռուբենը ոչ փրկիչ է, ոչ էլ՝ միսիոներ, ուղղակի նրա անձն այս պահին հարմար թիրախ է՝ Արցախը «փուռը տալու» իշխանության նարատիվի համար:
Դրա վերջին ակորդը հնչեցնելու է Փաշինյանը, իհարկե՝ Սյունիքը «փրկելու» նպատակով:
Սուրեն Սուրենյանց