ԱԺ-ն լակոտակույտ է ու քիչ հավանական է, որ գյադեքը զոհաբերեն իրենցից մեկին, թեկուզև՝ հանուն պետության

Այն, ինչ վերջին մի քանի օրերին արեց ԱԺ նախագահ Ալեն Սիմոնյանը՝ դուրս է անգամ բարոյականության մասին տարրական պատկերացումներից, էլ ուր մնաց՝ քննարկելի դառնա նրա արարքը վերջինիս կողմից զբաղեցվող բարձր պաշտոնի համատեքստում:
«Ախրանայով» քաղաքի կենտրոնում զբոսնելը Ալենի ու հեղափոխական այլ չտեսների համար դարձել է ուժի գռեհիկ ցուցադրության միջոց:
Ահա, գռեհիկ ուժի ֆետիշացման հերթական «զբոսանքի» ժամանակ, Ալենը թքում է մի քաղաքացու երեսին, ով հանդգնել է իրեն «դավաճան» որակել:
Ու որպեսզի իր ցինիզմին քաղաքական աստառ տա, մեր «հերոսը» սկսում է մոգոնել «դաշնակցական սադրանքի» թեզը՝ ձեռքի հետ հորինելով նաև Աշոտ Փաշինյանի երևակայական ծեծի պատմությունը: Աշոտն, իհարկե, Ալենին արդեն մեղադրել է «ստահոդ տեղեկություն» տարածելու մեջ, բայց ինքնադրսևորման մոլուցքով տառապող Սիմոնյանը չի էլ գիտակցել, թե ինչպիսի ծանր հարված է հասցրել պետության(որի անունից թքել է քաղաքացու վրա), Նիկոլ Փաշինյանի(որին փաստորեն մեղադրել է անբարեխիղճ ծնող լինելու մեջ) ու ՊՊԾ-ի(որն ի պաշտոնե պարտավոր է ապահովել Աշոտ Փաշինյանի անվտանգությունը) հեղինակությանը:
Ալենի ու Նիկոլի հարաբերությունների հարցը, սակայն թողնենք այս երկու մարդկանց տիրույթում, ինչպես

նաև ՊՊԾ հեղինակությունը համարենք այդ կառույցը ղեկավարող մարդկանց մասնագիտական ու բարոյական պատվի հարցը:
Գանք քաղաքացիների ու Ալենի կամ պետության վարկաբեկման խնդրին:
Ալենն այսօր, ցավոք, ոչ թե «բեսեդկում» ինքնահաստատվող խուժան է, այլ բարձրաստիճան մի պաշտոնյա, որը թքում է ոչ թե մեկ քաղաքացու, այլ բոլորի երեսին, ովքեր հանդգնում են իշխանությանն ասել, թե նրա «աչքի վերևում հոնք կա»:
Սա պետության վերջն է ու միանգամայն տրամաբանական է, որ Հայաստանի առաջին նախագահ Լևոն Տեր-Պետրոսյանը պնդում է՝ Ազգային ժողովը պարտավոր է նախաձեռնել Ալեն Սիմոնյանի պաշտոնանկությունը:
Սրանով հանդերձ, երեկ ԱԺ-ում ՄԻՊ թեկնածուների քննարկումը բացահայտեց, որ գործող ԱԺ-ն լակոտակույտ է ու քիչ հավանական է, որ գյադեքը զոհաբերեն իրենցից մեկին, թեկուզև՝ հանուն պետության:
Այնուամենայնիվ, շնորհակալություն՝ Առաջին նախագահին, ովքեր հերթական անգամ, մեկ դիպուկ գրառումով, բացահայտեց գործող իշխանության քաղաքական և բարոյական սնանկությունը:

Սուրեն Սուրենյանց

Բաժանորդագրվեք մեզ Youtube-ում Subscribe

նման նյութեր